अशोक लेल्यान्डका गाडी किन्न नबिल बैंकले कर्जा दिने 

उक्त सम्झौता पत्रमा आईएमई मोटर्सको तर्फबाट सीईओ हेमन्त पुराणिक र बैंकको तर्फबाट कर्पोरेट हेड चाँदनी श्रेष्ठले हस्ताक्षर गरे । सो अफर अन्तर्गत अशोक लेल्यान्डका देशभर रहेका १७ सोरुममध्ये जुनसुकैबाट सवारी किन्दा नबिल बैंकको कुनै पनि शाखाबाट कर्जा प्राप्त गर्न सक्ने आईएमई मोटर्सले जनाएको छ । कम्पनीका अनुसार सवारी साधन किन्नका लागि बैंकले सुलभ ब्याजदरमा अधिकतम ७० प्रतिशतसम्म कर्जा उपलब्ध गराउने छ । कम्पनीले हालै लाइट कमर्सियल भेइकल ‘दोस्त’का लागि ५ वर्षे वारेन्टी समेत घोषणा गरेको छ ।