कान्तिपुर वेबसाईट
AdvertisementAdvertisement
१७.१२°C काठमाडौं
काठमाडौंमा वायुको गुणस्तर: १७६

तीन स्रष्टा पुरस्कृत

काठमाडौँ — सुरभि साहित्य प्रतिष्ठानले आफ्नो दसौँ स्थापना दिवस पारेर तीन आख्यानकारलाई पुरस्कृत गरेको छ । बौद्ध रामहिटीस्थित साहित्य सदनमा मंगलबार आयोजित समारोहमा प्रतिष्ठानले वरिष्ठ आख्यानकार डा. ध्रुवचन्द्र गौतमलाई सुरभि बाजुराम आख्यान साधना पुरस्कार र अर्का वरिष्ठ आख्यानकार नरेन्द्रराज पौडेललाई सुरभि आख्यान पुरस्कार प्रदान गरेको हो । दुइटै पुरस्कारमा जनही ११ हजार ५ सय रुपैयाँ दिने गरिन्छ ।

तीन स्रष्टा पुरस्कृत

कथाकार राममणि पोखरेललाई सुलेख साहित्यिक प्रतिभा पुरस्कार पनि दिइयो । ‘सुलेख’ मासिकमा वर्षभरि छापिएका कथामध्ये पोखरेलको सिर्जना उत्कृष्ट ठहर्‍याई ८ हजार ५ सय रुपैयाँसहित पुरस्कृत गरिएको हो । सबै पुरस्कार प्रतिष्ठान अध्यक्ष बाजुराम पौडेल, प्रतिष्ठान संरक्षक विजय चालिसे र वरिष्ठ साहित्यिक पत्रकार नगेन्द्रराज शर्माले हस्तान्तरण गरे ।


समारोहमा वरिष्ठ साहित्यकार शान्ता मानवी, प्रतिष्ठान संरक्षक वेदमणि घिमिरे, समाजसेवी माधव खनाल, डा. रामप्रसाद ज्ञवाली, लक्ष्मी भट्टराई, रामकुमार पण्डित क्षत्रीको समेत उपस्थिति थियो । भूधरा उपाध्याय, प्रमोद प्याकुरेल र पवित्रा अधिकारीले कथा वाचन गरेका थिए । राममणि पोखरेलको कथा संग्रह ‘छेदीलाल’ र अच्युत घिमिरेद्वारा सम्पादित ‘पहाडदेखि मधेससम्म’ को लोकार्पण पनि गरियो ।

प्रकाशित : माघ १७, २०७४ ०७:४९
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?