२४.१२°C काठमाडौं
काठमाडौंमा वायुको गुणस्तर: २९७

परिष्कृत स्वास्थानी

काठमाडौँ — सोर्‍हौं शताब्दीमा संस्कृत भाषामा लेखिएको थियो, ‘श्रीस्वस्थानी व्रतकथा’ । लगत्तै यो नेवारी भाषामा अनुवाद भएर आयो र जनस्तरमा पढिन थालियो ।

परिष्कृत स्वास्थानी

यसपछि यसका अनेकौं संस्करणहरू आए । हालै कञ्चनजंघा प्रसाईं र विदुषी प्रसाईंले परिष्कृत ‘श्रीस्वस्थानी व्रतकथा’ ल्याएका छन् । संस्कृतबाट विभिन्न संस्करण अनुवाद भएर आउने क्रममा थपिएका र देखिएका केही विकृतिहरूलाई काँटछाँट गरेर आफूहरूले शुद्ध श्रीस्वस्थानी व्रतकथा ल्याएको कञ्चनजंघा र विदुषीले विज्ञप्तिमा जनाएका छन् ।


सन् १५७३ देखि संस्कृत भाषामा स्वस्थानी व्रतकथाको थालनी भएको मानिन्छ । सुरुमा ब्राह्मण पण्डितहरूबाट मात्र वाचन गराउने परम्परा रहेकोमा सन् १६०३ मा नेवारीभाषामा अनुवाद भएपछि सर्वसाधारणको पहुँचमा पुगेको मानिन्छ ।


नेपाली भाषामा छापिन थालेपछि आ–आफ्नै पारा र ढंगबाट प्रकाशित गर्दै आएकोमा प्रसाईंद्वयले सम्पादन गरेको ‘श्रीस्वस्थानी व्रतकथा’ सरल, सरस र शुद्ध रहेको समालोचक जगदीशचन्द्र रेग्मीले बताए ।


नइ प्रकाशनले छापेको पुस्तकको इतिहासकार ज्ञानमणि नेपाल, संस्कृतिविद् वेणिमाधव ढकाल, वासुदेवकृष्ण शास्त्री, काशीनाथ तमोट, माधव भट्टराई, विणा पौडेल, कृष्णदास महाराजलगायतले प्रशंसा गरेका छन् ।

प्रकाशित : माघ ६, २०७५ १६:०८
प्रतिक्रिया
पठाउनुहोस्
जनताको राय

सुख्खा मौसम सुरुभएसँगै डढेलो र आगलागी घटना व्यापक बढेका छन् । वर्षेनी हुने यस्ता घटनाबाट धेरै क्षति हुन नदिन के गर्नुपर्छ ?