मादलवादक गिरी सम्मानित

काठमाडौँ — वरिष्ठ मादलवादक प्रेमदेव गिरी सम्मानित भएका छन् । नेपाल सांस्कृतिक संघले गरेको कार्यक्रममा गिरीलाई १० हजार रुपैयाँसहित सम्मान गरेएको हो । 

मादलवादक गिरी सम्मानित

कार्यक्रममा लोकबाजा संग्रहालयका कलाकारले मौलिक वाद्यवादन सम्बन्धी प्रस्तुति पनि दिए । कलाकार रामप्रसाद रसाइली र उनका साथीहरूले मौरी बाजा र होमनाथ भण्डारीले मुर्चुंगा बजाए । मौरी बाजामा ‘किरेमिरे जाले रुमाल’ गीतको धुन बजाएर कार्यक्रमको सुरुवात भएको थियो ।


त्यस्तै, सडक संगीत समूहका मीनु वाइबा, रूपकमल क्षत्री, बाबुराजा महर्जन, विशाल महर्जन लगायतले सारंगी, मादलमा मंगल धुन बजाए । त्यसपछि उनीहरूले एकपछि अर्काे गर्दै नेपाल

भाषाको ‘शिलु धुन’, झलकमान गन्धर्वको ‘आऊ बसौं थकाइ मारौं...’, नेपाल भाषाकै ‘सिरसाया हेगु...’, ‘सुन काटी ढुंग्रीलाई..’ रोइला गीत, ‘सलल मलेवा..’ लगायत सुनाए ।


कार्यक्रममा टोलीसँगै वरिष्ठ गायक कुमार बस्नेतले ‘सुर्खेत बुलबुल ताल..’ गाए । त्यस्तै गायक शंकरसिंह विष्टले देउडा गीत सुनाए । रत्न विक र साथीहरूको सारंगी, बाँसुरी र मादलको जुगलबन्दी पनि दर्शकश्रोताले मन पराए । सानु तामाङ र संगीता रायमाझीले आधुनिक गीत गाए ।

प्रकाशित : माघ १५, २०७४ ०७:५७
प्रतिक्रिया
पठाउनुहोस्
जनताको राय

सुख्खा मौसम सुरुभएसँगै डढेलो र आगलागी घटना व्यापक बढेका छन् । वर्षेनी हुने यस्ता घटनाबाट धेरै क्षति हुन नदिन के गर्नुपर्छ ?