रुपन्देहीमा छन्द बहस
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
बुटवल — कवितालाई रस र सारयुक्त बनाउने माध्यम हो छन्द । छन्दकै कारण कविताको सन्देश जनजिब्रोमा पुर्याउन सकिन्छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![रुपन्देहीमा छन्द बहस](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2016/third-party/chanda-28122016083425-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
विडम्बना, पछिल्लो समयका प्राय: कविले छन्दको प्रयोग छोडेका छन् । छन्दोबन्द्ध कविताको रचना पातलिँदै गएको छ । यही चिन्ताले छन्द कविताको उत्थानका लागि भन्दै रुपन्देहीमा छन्द कविता महोत्सवको आयोजना भएको छ ।
नेपाल प्रज्ञा प्रतिष्ठान र छन्दवादी समाज नेपालद्वारा ‘तिलोत्तमा बृहत् छन्द कविता महोत्सव’ मा पहिलो दिन पाका पुस्ताले नयाँ पुस्तामाझ छन्द कविता हराएकामा चिन्ता गर्यो । छन्दमोह ब्युँताउन जिल्लाजिल्लाबाट अभियान थाल्न पनि आग्रह गर्यो ।
तिलोत्तमा नगरपालिकाको तीनधुरेस्थित जनता माविमा भएको कार्यक्रममा समकालीन छन्द कविताका प्रवृत्तिहरूबारे प्राडा हिरण्यलाल ज्ञवालीले कार्यपत्र प्रस्तुत गरे । उनले छन्द कविता सबै विधामा लेख्न सकिने बताउँदै त्यसको प्रमाण समकालीन छन्द कविता देशभक्ति, राष्ट्रप्रेम, सामाजिक यथार्थ, प्रगतिवादी, हिंसाविरोधी रहनु रहेको उल्लेख गरे । डा. घनश्याम न्यौपाने परिश्रमी, डा. नारायण नेपाल र माधव वियोगीले कार्यपत्रमाथि टिप्पणी गरे ।
प्रज्ञा प्रतिष्ठानको काव्य विभागका प्रमुख डा. अमर गिरीले कविताको मर्म बुझाउने छन्दलाई अझै प्रभावशाली रूपमा विकास गर्नुपर्ने सुझाव दिए । ‘प्रयोग र सिर्जनाले मात्रै यो सम्भव हुन्छ,’ उनले भने ।
नेपाली छन्द कविताका क्षेत्रमा उल्लेखनीय योगदान पुर्याएबापत प्राडा विष्णुराज आत्रेय (लाटो साथी) र डा. देवी नेपाल ‘छन्दरथी २०६३’ बाट सम्मानित भए ।
दोस्रो दिन कवि गोष्ठी भयो । सन्ध्याकालीन अवसर पारेर वरिष्ठदेखि नवोदित कविसम्मले छन्द कविता वाचन गरे । गजलकार बुँद राना, रामचन्द्र भट्टराई, गोर्खे साइँला, रामदेव पाण्डे, खामा तराम मगर, गिरीश श्रीसमगर लगायतले आफ्नो पालो सकिएपछि नवोदितहरूलाई हौसाए । छन्दमा लगाव र मिहिनेत बढी चाहिने सुझाए पनि ।
कार्यक्रममा चितवन, कास्की, पाल्पा, धनगढी, दाङ, रुपन्देही लगायतका कविहरूको सहभागिता थियो । छन्द महोत्सवमा सहभागी छन्दप्रेमी कविले जिल्लाजिल्लामा छन्द कविता सिर्जनालाई ब्युँताउने प्रण पनि गरे ।
![](https://assets-cdn.ekantipur.com/uploads/source/ads/900-x-100-1-0282024055738.gif)