हलिउड अभिनय–यात्रामा सम्बन्ध

कान्तिपुर संवाददाता

काठमाडौं — संसारकै प्रख्यात अभिनय कलायात्रा मानिने प्रिमियर–२०१७ डिसेम्बर प्रोगाममा सहभागी हुन नेपाली समुदायका १४ वर्षीय सम्बन्ध भण्डारी हलिउड पुगेका छन् ।

विश्वभरका प्रतिभावान बालबालिका छनौट प्रकृयाको यो स्थापित प्रतियोगिता डिसेम्बर अन्तिम सातामा अमेरिकाको वाल्ट डिज्ने वल्र्ड, ओरल्यान्डोमा आयोजना हुादैछ । टिकापुर, कैलाली मुल घर भएका सम्बन्ध आफ्ना अभिभावकका साथमा डेनमार्कको कोपनहेगन बस्दै आएका र त्यहींबाट प्रिमियर–२०१७ को अडिसनमा छानिएका हुन् । 

सम्बन्धका पिता पूर्ण बन्धनका अनुसार, अडिसनमा आएका २ हजार प्रतिष्पर्धीमा उत्कृष्ट–१० मा छानिएर ९ कक्षामा अध्यनरत सम्बन्ध हलिउड पुगेका हुन् ।

हलिउडकै महंगा प्रशिक्षकका रुपमा चिनिएका माइकल डेभिडसहितले अभिनय तालिम दिने र विश्वका ५ सयभन्दा बढी प्रतियोगी प्रिमियर–२०१७ मा सहभागी हुने जनाइएको छ । यो प्रतियोगितामा अब्बल उत्रने प्रतियोगीले डिज्ने च्यानल, एबीसी, सीबीएसमा समेत काम पाउने गरेका छन् । 

 

प्रकाशित : पुस २, २०७४ १८:०२
प्रतिक्रिया
पठाउनुहोस्

क्षेत्रीय प्रशासन कार्यालयमा घेराउ

रमेशचन्द्र अधिकारी

धनकुटा — प्रदेश नं.१ को राजधानी धनकुटालाई कायम गरिनु पर्ने भन्दै स्थानीयबासीले आइतवार पुर्वाञ्चल क्षेत्रीय प्रशासन कार्यालय घेराउ गरेका छन् ।

 
जुलुश सहित सयौको संख्यामा पुगेको समुहले कार्यालयको मुल गेटमा धर्ना दिएको थियो । धर्नासँगै उनीहरुले क्षेत्रीय प्रशासन कार्यालय मार्फत प्रधानमन्त्री तथा गृहमन्त्री समक्ष जिल्लालाई राजधानी कायम गरिनु पर्ने व्यहोराको ज्ञापनपत्र बुझाएका छन् । उप क्षेत्रीय प्रशासक सेवन्तराज दाहाल समक्ष ज्ञापनपत्र बुझाएका हुन् । आन्दोलन संघर्ष समिति संयोजक उमेश घिमिरे नेतृत्वको टोलीले उप–क्षेत्रीय प्रशासक दाहाललाई ज्ञापनपत्र हस्तान्तरण गरे । 
 
धर्ना पश्चात आयोजित कोणसभालाई संबोधन गर्दै पाख्रीवास नगरपालिकाका मेयर बिर्षबहादुर राई, आन्दोलन संघर्ष समिति संयोजक घिमिरे, नागरिक समाजका अध्यक्ष द्रोणप्रसाद गुरागाई लगायतले पर्याप्त पुर्वाधार रहेको भन्दै जिल्लामा राजधानी कायम गर्न माग गरेका थिए । यस अघि प्रशासनिक गौडा हुदै पुर्वाञ्चल विकासक्षेत्रको सदरमुकाम समेत रहेकोले पर्याप्त भौतिक संरचना, उपयुक्त हावापानी, मजवुत सुरक्षा ब्यवस्था लगायत कारणले राजधानीका लागि उपयुक्त रहेको वक्ताहरुको दावी थियो ।
 
कार्यालयको हातामा नेपाल प्रहरी तथा सशस्त्र प्रहरीको बाक्लो उपस्थिति थियो । विगत तीन दिनदेखि स्थानीयबासीले जिल्लामा प्रदर्शन गर्दै आएका छन् । माग पुरा नहुन्जेल शसक्त आन्दोलन जारी रहने संयोजक घिमिरेले बताए । यसअघि बृहत जनप्रदर्शन र ब्याङ्ग्यात्मक रुपमा मैनबत्ती जुलुश प्रदर्शन गरिएको थियो । 

प्रकाशित : पुस २, २०७४ १८:००
पूरा पढ्नुहोस्
प्रतिक्रिया
पठाउनुहोस्