क्यान इन्फोमा ‘लिलिबिली’ - मनोरञ्जन - कान्तिपुर समाचार
कान्तिपुर वेबसाईट
AdvertisementAdvertisement

क्यान इन्फोमा ‘लिलिबिली’ 

कान्तिपुर संवाददाता

काठमाडौँ — राजधानीको भृकुटीमण्डपमा जारी क्यान इन्फो टेक मेलामा ‘लिलिबिली’ ले प्रमोसनल क्याम्पेन गरेको छ । क्याम्पेनमा क्रममा युवामाझ फिल्मका नायक प्रदीप खड्का आफ्नो अनुभव सेयर गरेका थिए ।

मेलामा उपस्थित दर्शकले खडकासँगै सेल्फी र अटोग्राफ लिएका थिए । केही दर्शकले हालै सार्वजनिक फिल्मको गीत ‘इज इट लभ...’ को छायांकनबारे जिज्ञासा राखेका थिए । दुईपटक युट्युब ट्रेन्डिङको नम्बर वान र लामो समय टप फाइभमा रहेको यो गीत टर्कीको इस्तानबुलमा अत्यधिक चिसोमा छायांकन गरिरहेको थियो ।

युरोपका विभिन्न सहर र नेपालमा छायांकान गरिएको फिल्ममा प्रदीपसँगै प्रियंका कार्की, जसिता गुरुङलगायतको अभिनय छ । गोविन्द शाही, सुदीप खड्का र मिलन चाम्सले निर्माण गरेको यो फिल्मलाई मिलनले निर्देशन गरेका हुन् ।


प्रकाशित : माघ १६, २०७४ ०७:४५
प्रतिक्रिया
पठाउनुहोस्

‘लम्फू’ का गीत 

कान्तिपुर संवाददाता

काठमाडौँ — ‘लम्फू’ का अडियो गीतहरू सार्वजनिक भएका छन् । चारै गीतमा संगीतकार अर्जुन पोखरेलको संगीत रहेको छ । ती गीत प्रमोद खरेल, शिव परियार, दुर्गा खरेल, शुरेश लामा र अप्सरा घिमिरेले गाएका हुन् ।

‘सँगै जिउने सँगै मर्ने...’, ‘तिम्लाई भुलेर...’, ’दोधार दोधारमा...’ र ‘सुको छैन यार...’ गीत फिल्ममा समावेश छन् । दिग्गज धौलारी, युवराज सापकोटा, प्रमोद ढुंगाना र नरेश भट्टराईले लेखेका गीतहरू निकै अर्थपूर्ण रहेको संगीतकार पोखरेलले दाबी गरे ।
गोपालचन्द्र लामिछानेले निर्देशन गरेको फिल्ममा सलोन बस्नेत, मरिष्का पोखरेल, चाँदनी शर्मा, कबिर खड्का, सञ्जित भण्डारी लगायतको अभिनय छ ।

प्रकाशित : माघ १६, २०७४ ०७:४५
पूरा पढ्नुहोस्
प्रतिक्रिया
पठाउनुहोस्
×