‘मैंरिमो’ले रुवायो दर्शकलाई

कान्तिपुर संवाददाता

न्युयोर्क — गुरुङ भाषा एवम् संस्कृतिमा आधारित चलचित्र‘मैंरिमो’को प्रिमियर शो आईतबार सम्पन्न भएको छ । विगोयान्त कथाबस्तुमा आधारित चलचित्रले धेरै दर्शकहरुलाई रुवाएको थियो । चलचित्र हेरेपछि कान्तिपुरसंग प्रतिक्रिया दिंदैं सुभाष गुरुङले भने, ‘रोजगारीको सिलसिलामा हुने दुख र अप्रत्यासित मृत्युले मनै कुडियो । कताकता कथा आफनै वरिपरि घुमे जस्तो लाग्यो ।’

स्थानीय गुलसन थिएटर ढाका क्लबमा चलचित्रको प्रथम प्रर्दशन गरिएको थियो । हल दर्शकहरुले खचाखच भरिएको थियो । गुरुङ भाषाको शब्दावली ‘मैंरिमो’ अर्थ हो तिमीलाई सम्झिरहेको छु ।


चलचित्र मुलत वैदेशिक रोजगारीमा आईपर्ने कठिनाई लाई प्रस्तुत गरिएको छभने कथाको अन्त्यतिर शिक्षाको महत्वलाई जोड दिईएको छ । निर्माता एवम नायक प्रेम गुरुङले पहिलो प्रर्दशनले आफु र आफनो टिम उत्साहित भएको प्रतिक्रिया दिए । न्युयोर्कपछि ब्रुनाई, बेलायत, हंगकंग लगायत नेपालमा प्रर्दशनको तयारी भईरहेको उनको भनाई थियो ।

कार्यक्रममा चलचित्रको प्रर्दशनीबाट उठेको एक लाख रुपियाँ, गरिब जेहेन्दार नेपाली युवा बैज्ञानिक राजन गुरुङलाई प्रदान गरिएको थियो । न्युयोर्कमा रहेका सम्पुर्ण गुरुङ कलाकारहरुलाई सम्मान गरिएको थियो ।
मुनाल ब्यानर फिल्मसको प्रस्तुती रहेको चलचित्रको निर्देशन भोजबहादुर गुरुङले गरेका छन्भने चलचित्रको मुख्य भुमिकामा नायिका सपना गुरुङ छिन् । नायक गमन घले छन् । गीतकार आश गुरुङ, प्रेम गुरुङ र अमिर गुरुङको रहेको छ । नवनायिकामा सोनु गुरुङ छिन् । चलचित्र दुई घण्टा लामो छ ।

हालसम्म नेपालमा गुरुङ भाषाका ८५ वटा चलचित्र निमार्ण भईसकेका छन् ।

प्रकाशित : वैशाख २६, २०७४ १४:१६
प्रतिक्रिया
पठाउनुहोस्

मध्यरातमा डोजरमा आगजनी

घनश्याम गौतम

गुल्मी — छल्दी पनाहा इन्द्रेगौंडा सडकमा निर्माण काम गरिरहेको कम्पनीको डोजरमा अज्ञात समुहले मध्यरातमा आगजनी गरेको छ ।

इश्मा गाउँपालिका २ रातचौरमा स्तरोन्नतीको काम गरिरहेको कालिका प्यासिफिक जेभि कन्ट्रक्सनको बा २ क ५६६५ नम्बरको जेसिभी डोजरमा राति आगजनी भएको प्रहरी नायव उपरीक्षक महेन्द्र नेपालले बताए । ‘राति १ बजेको समयमा आगजनी भएको हो’, उनले भने, ‘निर्वाचन विथोल्ने प्रयोजन नभई सडक निर्माण र व्यवसायीसँगको असन्तुष्टिले आगजनी भएको जस्तो देखिन्छ, हामी थप अनुसन्धान गर्दैछौं ।’ स्थानीय तह निर्वाचन र आगजनीमा अहिले त्यस्तो कुनै सम्बन्ध नदेखिएको उनले बताए ।

निर्माण व्यवसायी भरत कटुवालले आगजनी गर्नै पर्ने कुनै कारण नदेखिएको बताए । ‘हामीले तीव्रगतिले सडक निर्माण गरिरहेकै थियौं’, उनले भने, ‘यस्तो घटनाले समयमै काम सक्न समस्या पार्न सक्छ ।’काम रोक्ने नियतका साथ आगजनी भएको हुनसक्ने उनले बताए । निर्माण कम्पनी पूर्व भूमि सुधार मन्त्री विक्रम पाण्डेको हो ।

प्रकाशित : वैशाख २६, २०७४ १३:५३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
×