काठमाडौँ — कतारमा जारी छैठौं एसियन आप्रवासी फुटवल प्रतियोगिताको दोश्रो खेलमा नेपालले जापानलाई शुन्यको विरुद्व दुई गोलले पराजित गरेको छ ।
कतार फुटबल एसोसिएसनद्वारा मर्खिया खेल मैदानमा आयोजित खेलमा नेपालले सहज रुपमा जित हासिल गरेको हो ।
खेलको पहिलो हाफमा कप्तान शिव श्रेष्ठ र दोस्रो हाफमा अर्जुन सुब्बाले गोल गरेका थिए । जित संगै नेपाल ६ अंकका साथ समूह ‘बी’ मा दोस्रो स्थानमा छ ।
६ अंकै बटुलेको लेबनान गोल अन्तरको आधारमा पहिलो स्थानमा छ । लेबनानले दुई खेलमा १७ गोल गरिसकेको छ । नेपालको तेश्रो खेल प्रतियोगिताको उपाधी दावेदार रहेको लेवनानसँग आगमि फेब्रवरी ८ तारिख दोहा रंगशालामा खेल्दैछ ।
प्रतिक्रिया