सुधीर शर्मा

सुधीर शर्माका लेखहरु :

‘कांग्रेस र एमाले सरकारमा सँगै जान पनि सक्छन्’

भारतले सीमा मिचेको जिल्ला दार्चुलादेखि राजधानीको नाइट क्लबसम्मका चुनावी प्रचारमा दौडिन भ्याएका नेकपा एमालेका अध्यक्ष केपी शर्मा ओली गत मंगलबार अपराह्न राजधानीको बत्तिसपुतलीमा भेटिँदा भावी चुनावी परिणामप्रति निकै आत्मविश्वासी देखिए । प्रधानमन्त्रीबाट बाहिरिएको र आफ्नो पार्टी नेतृत्व चार वटा प्रदेश सरकार ढलेको अवस्थाबाट गुज्रेका उनले अब फेरि बहुमतको सरकार बनाउने दाबी गरे ।

एउटा सुषुप्त द्वन्द्व

नेपालको नक्सा पल्टायो भने सुदूरपूर्वी कुनामा काँकडभिट्टा नाका भेटिन्छ, जसलाई भर्खरै ६ लेनको फराकिलो एसियन हाइवेले जोडेको छ । यहाँबाट मेची नदी तरेर अगाडि बढ्दा भारतको सिलिगुडी, असम हुँदै म्यान्मार र थाइल्यान्डसम्म पुगिन्छ । २०–२२ किलोमिटर पूर्वतर्फ बंगलादेश पर्छ, अलि माथि भुटान । तर हामी त्यता जाँदै छैनौं, काँकडभिट्टा बजारबाट मेचीको डिलैडिल उत्तरतिर लाग्दै छौं ।

नभएको ‘लाइभ डिबेट’

कुनै मुद्दा नहुँदा ‘भाइरल बाइट’ फ्याँकेर पनि चर्चामा आउनु एमाले अध्यक्ष केपी शर्मा ओलीको पुरानै विशेषता हो । कांग्रेस सभापति शेरबहादुर देउवासँग ‘लाइभ डिबेट’ गर्ने उनको सार्वजनिक प्रस्ताव यसको पछिल्लो दृष्टान्त हो । यसप्रति प्रधानमन्त्री देउवाबाट सार्वजनिक रूपमा प्रतिक्रिया आएको त देखिएन, तर सुनिएअनुसार ओलीले फोन गरेर व्यक्तिगत रूपमा पनि यस्तै प्रस्ताव राख्दा उनले ठट्यौलो जवाफ दिएका थिए— मैले दुइटा मात्र सम्झेको हुन्छु, तपाईंले दस वटा कुरा गरिसक्नुहुन्छ, के डिबेट गर्नु !

बालकोटको बार्दलीमा खुम्चिएको अतिवाद

‘बुझ्नुभो, अब तपाईंहरूले मेरोबारेमा राम्रै–राम्रो मात्र लेख्नुहुनेछ,’ तत्कालीन प्रधानमन्त्री केपी शर्मा ओलीले अचानक यसो भन्दा हामी छक्क परेका थियौं । कान्तिपुरले बर्सेनि आयोजना गर्ने म्याराथन कार्यक्रमको उद्घाटन प्रायः प्रधानमन्त्रीबाट हुने गर्थ्यो, ओलीलाई पनि हामीले २०७५ जेठ ५ गते त्यसैका निम्ति कार्यालयमा निम्त्याएका थियौं ।