किड्स काभ्रे-२ को उपाधि सज्बी, आगमन, निष्मा र विषमलाई
काभ्रे — ट्यालेन्ट सो किड्स काभ्रे ‘२’ सम्पन्न भएको छ । शनिबार सम्पन्न भएको किड्स काभ्रे ‘२’ अन्तर्गत गरिएको सिनियरतर्फ सज्बी श्रेष्ठ र आगमन श्रेष्ठ विजयी भएका छन् । त्यस्तै जुनियतर्फ निष्मा बस्नेत र विषम सिग्देलले जित हात पारेका छन् ।
यसैगरी सिनियरतर्फ स्पेन्जल शाही र शिरिषमान कपाली फर्स्ट रनर अप भएका छन् भने जुनियरतर्फ अनुष्मा पहरी र विवेश मानन्धर फर्स्ट रनर अप भएका छन् । यस्तै सेकेन्ड रनर अपमा सिनियरतर्फ उषा मोक्तान र कौस्तुभ दाहाल र जुनियरतर्फ नवश्री विष्ट र प्रनव मानन्धर रहेका छन् ।
विजेताहरुलाई ट्रफी, टोपी, फ्रेमलगायत थुप्रै आकर्षक पुरस्कार वितरण गरिएको थियो । कार्यक्रमको उद्घाटन वाग्मती प्रदेशका खानेपानी ऊर्जा तथा सिचाईं मन्त्री तिर्थ लामाले गरेका थिए ।
प्रतिक्रिया
