सन् १९८० मा आजकै दिन : जिम्बाब्वेमा अश्वेत प्रधानमन्त्री
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — सन् १९८० मा आजकै दिन (मार्च ४) मा रोबर्ट मुगावे जिम्बाब्वेका प्रधानमन्त्री बनेका थिए । उनी जिम्बावेका पहिलो अश्वेत प्रधानमन्त्री हुन् । १९२४ फेब्रुअरी २१ मा कुटुमामा जन्मिएका मुगावे १९७५ मा जिम्बाब्वे अफ्रिकन नेसनल युनियनका अध्यक्ष बनेका थिए ।
![](https://assets-cdn.ekantipur.com/uploads/source/ads/900x100-1172024092759.gif)
![सन् १९८० मा आजकै दिन : जिम्बाब्वेमा अश्वेत प्रधानमन्त्री](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/robert-mugabe-0432024075534-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
श्वेतविरुद्ध छापामार युद्ध गरेका मुगावे बेलायतीले आह्वान गरेको शान्तिवार्ता स्विकार्दै राजनेताका रूपमा उदाउन सफल भएका थिए । त्यसताका मार्क्सवादी–लेनिनवादी नेताका रूपमा परिचित मुगावे १९९० को दशकपछि भने समाजवादी नेताका रूपमा चिनिएका थिए ।
मुगावेले जिम्बाब्वेमा ३७ वर्ष शासन गरे । उनी १९८० देखि १९८७ सम्म प्रधानमन्त्री र १९८७ देखि २०१७ सम्म जिम्बाब्वेका राष्ट्रपति थिए । १९८० को निर्वाचनमा सफलता चुमेपछि विश्वभर चर्चित बनेका मुगावे अन्ततः आफ्नी पत्नीलाई उत्तराधिकारी बनाउने प्रयासपछि सत्ताबाट बाहिरिएका थिए ।
मुगावेको दल जिम्बाब्वे अफ्रिकन नेसनल युनियन–प्याट्रिओटिक फ्रन्ट (जानु–पीएफ) र विपक्षी दल मुभमेन्ट फर डेमोक्र्याटिक चेन्ज (एमडीसी) ले उनीविरुद्ध संसद्मा महाभियोग दर्ता गर्ने प्रक्रिया सुरु गरेपछि उनले राजीनामा दिएका थिए । मुगावेको २०१९ सेप्टेम्बर ६ मा ९५ वर्षको उमेरमा सिंगापुरमा निधन भएको थियो ।
![](https://assets-cdn.ekantipur.com/uploads/source/ads/900-x-100-0172024023126.gif)