राजन राष्ट्रिय बुद्धिचाल च्याम्पियन
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — झापाका राजन सुवेदी राष्ट्रिय बुद्धिचाल प्रतियोगिताबाट नयाँ च्याम्पियन बनेका छन् । उनले अन्तिम तथा ११ औं चरणमा बिहीबार प्रेमकृष्ण महर्जनलाई हराएपछि ८ अंकसहित उपाधि जितेका थिए ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![राजन राष्ट्रिय बुद्धिचाल च्याम्पियन](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/33acb431-5472-477a-a6ea-b8e982bd621a-0762024021143-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
उनले ७ जित, २ बराबरी र २ हारको नतिजा निकालेका थिए । ३५ वर्षीय राजनले च्याम्पियन भएसँगै सेप्टेम्बरमा हंगेरीमा हुने ४५औं चेस ओलम्पियाडका लागि स्थान सुरक्षित गरेका छन् ।
देशका उत्कृष्ट १२ खेलाडी प्रतिस्पर्धी राष्ट्रिय प्रतियोगितामा राजनले १९२३ रेटिङ प्रेमकृष्णविरुद्ध पूरा अंक लिएका थिए । झापाकै सुश्रुत दाहाल र पूर्व नेपाल च्याम्पियन क्षितिज भण्डारी दोस्रो र तेस्रो स्थानमा रहे । उनीहरू पनि ओलम्पियाडलाई छनोट भए । समान साढे ७ अंक भए पनि क्षितिज टाइब्रेकरमा सुश्रुतसँग पछाडि परेका थिए । सुश्रुतले फाइनल चरणमा युवा खेलाडी पुरुषोत्तम सिलवाललाई पराजित गरे भने क्षितिजले दोलखाका राजीव कार्कीलाई माथ दिएका थिए ।
राष्ट्रिय प्रतियोगिताबाट शीर्ष ३ पुरुष र उत्कृष्ट ४ महिला खेलाडी ओलम्पियाडका लागि छनोट भएका हुन् ।सिन्दिरा जोशी महिलातर्फ अन्तिम चरणको खेलमा कृतिसारा अधिकारीसँग पराजित भए पनि ९ अंकसहित दोस्रो पटक नेपाल च्याम्पियन हुन सफल भइन् । सिन्दिराले ११ औं चरणसम्म ८ खेलमा जित र २ खेलमा हार बेहोरिन् । झापाकी कृतिसरा अधिकारी उपविजेता र कास्कीकी पूजा भण्डारी तेस्रो भए । शान्ति धिमालले पनि चौथो स्थानमा रहेर ओलम्पियाडका लागि स्थान सुरक्षित गरिन् ।
खेलाडीलाई नेपाल बुद्धिचाल महासंघका अध्यक्ष हेराकाजी महर्जन, प्रायोजक लुम्बिनी इभेन्ट मेनेजमेन्टका प्रबन्धक निर्देशक सुबोधराज शेर्पालीलगायतले पुरस्कृत गरे ।
![](https://assets-cdn.ekantipur.com/uploads/source/ads/900-x-100-0172024023126.gif)