आईपीएल : गुजरात प्लेअफनजिक
काठमाडौँ — गुजरात टाइटन्सले इन्डियन प्रिमियर लिग २०२३ मा शुक्रबार राजस्थान रोयल्सलाई सजिलै नौ विकेटले हराएको छ । जितसँगै गुजरात प्रतियोगिताको प्लेअफको नजिक पुगेको छ ।
यो जितपछि गुजरातले शीर्ष स्थानमा आफ्नो अग्रतालाई तीन अंक पुर्याएको छ ।
उसको १० खेलबाट १४ अंक भएको छ । पछिल्ला पाँच खेलमध्ये चारमा पराजित राजस्थान भने १० अंकमा चौथो स्थानमा छ । उसले पहिले ब्याटिङ गर्दै १७.५ ओभरमा सबै विकेट गुमाएर १ सय १८ रन मात्र बनाएको थियो ।
रसिद खानले १४ रन खर्चेर तीन विकेट लिए र ‘प्लेयर अफ द म्याच’ बने । जवाफमा गुजरातले १३.५ ओभरमा एक विकेट गुमाएर १ सय १९ रन बनायो । ओपनर रिद्दीमान साह ४१ रन बनाएर नटआउट रहे ।
प्रकाशित : वैशाख २३, २०८० ०६:४१प्रतिक्रिया