पीएसजीको जितमा मेसीको निर्णायक गोल

अंक तालिकाको मध्य भागमा रहेको टुलोजले ब्रान्को भान डेको गोलको मद्दतले आश्चर्यजनक अग्रता लिएको थियो । पहिलो हाफमा आचरफ हाकिमीको गोलले खेल बराबरीमा आएपछि मेसीले २५ यार्डबाट उत्कृष्ट गोल गरे ।

यो जितले पीएसजीको २२ खेलबाट ५४ अंक भएको छ । चोटका कारण केयलिन एम्बाप्पे र नेयमारलाई गुमाइरहेको पीएसजीका लागि मेसीले यस सिजन आफ्नो दसौं लिग गोल गरेका हुन् । उनले यो सिजन समग्रमा १५ गोल गरिसकेका छन् ।