राजविराजको एक टेलर्समा आगलागी
राजविराज — सप्तरीको राजविराजस्थित रुपनी रोडमा रहेको कृष्णा लेडिज एन्ड जेन्स टेलर्समा शनिबार आगलागी भएको छ ।
आगलागीबाट टेलर्समा रहेका १९ वटा कपडा सिउने मेसिन, चारवटा विद्युतीय मेसिन र ग्राहकले सिलाउन दिएका कपडासहित ३० लाख बराबरको क्षति भएको टेलर्स सञ्चालक रोहितकुमार साहले जानकारी दिए । आगलागीको कारण खुल्न सकेको छैन ।
स्थानीयवासी, प्रहरी र बारुणयन्त्रको सहयोगमा आगो नियन्त्रणमा लिइएको थियो ।
प्रकाशित : चैत्र ३, २०८० २२:१९प्रतिक्रिया