'छोरालाई जिउँदै जलाउनेलाई सजाय दिलाउन जो साढे १६ वर्ष लडे’ समाचारमा facebook.com/eKantipur बाट लिइएका केही टिप्पणी :

आफ्नो सन्तानको हत्याविरुद्ध न्यायका लागि अहोरात्र खट्ने एक निडर र सच्चा पिताप्रति हार्दिक नमन ।
– हरि पाठक

यति महँगो न्याय । न्याय पाउन सम्पूर्ण सम्पत्ति बेचेर पनि अपराधीको धम्की र राज्यको करले नागरिक आतंकित छ ।
– तारानाथ बोहरा

सम्पूर्ण खर्च राज्यले बेहोर्नुपर्छ ।
– अशोक रिमाल

छोरालाई जिउँदै जलाउनेविरुद्ध मुद्दा लड्न ३ बिघा जमिन (२ करोड बराबर) खर्च गर्नुपर्ने कस्तो न्याय प्रणाली ? यो सरकारवादी मुद्दा हैन ?
– प्रदीप तामाङ

फैसला हुने, पीडकले सजाय पाउने तर पीडितको क्षतिपूर्ति नहुने परिपाटीले कानुनले आधा मात्र काम गरेको महसुस हुन्छ, जुन कुरा ठीक भएन । क्षतिपूर्तिका लागि अर्को मुद्दा लड्नुपर्ने अवस्था आउन दिनु हुँदैन ।
– रञ्जन पौड्याल

राजनीतिले छोपेको अपराध कति डरलाग्दो !
– मनोज पौडेल