नेपालीलाई नक्कली भुटानी शरणार्थी बनाउने गिरोहका सन्देश शर्मा पक्राउ
काठमाडौँ — नेपाली नागरिकलाई नक्कली भुटानी शरणार्थी बनाएर अमेरिका पठाउने भन्दै पैसा असुल्ने गिरोहका थप एक सदस्य पक्राउ परेका छन् ।
बुधबार काठमाडौं उपत्यका अपराध अनुसन्धान कार्यालयको टोलीले दाङका ३४ वर्षीय सन्देश शर्मालाई काठमाडौंबाट पक्राउ गरेको हो । गत जेठमै नक्कली शरणार्थी प्रकरणमा अनुसन्धान सुरु भएपछि उनी फरार थिए ।
फरार रहेकै अवस्थामा प्रहरीले काठमाडौं जिल्ला अदालतबाट उनीसहितका आरोपीविरुद्ध पक्राउ पुर्जी लिएको थियो । करिब १० महिनापछि उनी पक्राउ परेका हुन् ।
गिरोहका अन्य चार सदस्य केशव दुलाल, सागर थुलुङ राई, टेक गुरुङ र सानु भण्डारी यसअघि नै पक्राउ परिसकेका छन् । उनीहरूविरुद्ध प्रहरीले ठगी मुद्दामा अनुसन्धान गरिरहेको छ ।
काठमाडौं उपत्यका अपराध अनुसन्धान कार्यालयका प्रमुख एसएसपी मनोज केसीले बुधबार पक्राउ परेका शर्माविरुद्ध अनुसन्धान अगाडि बढेको बताए । पक्राउअघि शर्मा भारतका विभिन्न स्थानमा लुकेर बसेका थिए । पछिल्लो समय शर्मा हरियाणा राज्यमा रहेको प्रहरीको भनाइ छ ।
सम्बन्धित समाचार
- नक्कली शरणार्थी प्रकरण : मुद्दा कमजोर बनाउने खेलमा प्रहरी
- अमेरिका उडाउने भन्दै ८७५ नेपालीलाई भुटानी बनाउने गिरोहमा ‘राजनीतिक संलग्नता’
- भुटानी शरणार्थी सूचीका ४२९ जना पनि सन्देहमा
- नक्कली शरणार्थी बनाउने गिरोहमाथिको अनुसन्धान रोकिन्न : गृहसचिव
- नेपालीलाई भुटानी शरणार्थी बनाएर अमेरिका उडाउने गिरोहका अर्का नाइके राई समातिए
- अमेरिका लैजान शरणार्थी बनाइए ८७५ नेपाली
- नक्कली शरणार्थी बनाएर अमेरिका लैजान खोज्ने गिरोहका नाइके दुलालसहित ३ पक्राउ
- भुटानी शरणार्थी बनाएर अमेरिका लाने भन्दै करोडौं असुली
- नेपालीलाई 'भुटानी शरणार्थी' बनाउने खेल