लोहनीको संयोजकत्वमा राप्रपाको केन्द्रीय निर्देशन समिति गठन
काठमाडौँ — राष्ट्रिय प्रजातन्त्र पार्टीले पूर्वअध्यक्ष प्रकाशचन्द्र लोहनीको संयोजकत्वमा केन्द्रीय निर्देशन समिति गठन गरेको छ । पार्टी कार्यालय धुम्बाराहीमा बिहीबार बसेको केन्द्रीय कार्यसम्पादन समिति बैठकले लोहनीको संयोजकत्वमा बढीमा १७ सदस्यीय हुने गरी केन्द्रीय निर्देशन समिति गठन गरेको प्रवक्ता मोहन श्रेष्ठले जानकारी दिए ।
त्यस्तै पार्टी र सरकारबीच समन्वय गर्न वरिष्ठ उपाध्यक्ष रवीन्द्र मिश्रको संयोजकत्वमा कार्यविधि समिति गठन गरिएको छ ।
बैठकले आगामी २०८० वैशाख १ गतेदेखि सक्रिय सदस्य वितरण अभियान सञ्चालन गरिने निर्णय पनि गरेको प्रवक्ता श्रेष्ठले बताए ।
प्रकाशित : माघ १९, २०७९ १८:५४प्रतिक्रिया
