उपत्यका
माघ ६, २०७६

मेलम्चीको पाइप बिछ्याउने काम सुस्त

मेलम्ची खानेपानी आयोजनाअन्तर्गतको पाइप लाइन बिछ्याउने तथा फोहोर पानी प्रशोधन केन्द्रको काममा सुस्तता आएको छ । सरोकारवाला निकाय आयोजना कार्यान्वयन निर्देशनालयले कडाइ नगरेपछि काममा सुस्तता आएको हो । गत वर्षको तुलनामा पाइप लाइन र फोहोर पानी प्रशोधन केन्द्रको निर्माण सुस्ताएको हो । यो मेलम्ची आयोजनाको दोस्रो ठूलो काम हो । 

सिंहदरबारको गुरुयोजना संशोधन गरिँदै

सरकारले कार्यपालिका, व्यवस्थापिका र न्यायपालिकालाई सिंहदरबारको एउटै परिसरमा राखेर दैनिक आउजाउका लागि एकीकृत सुरक्षा प्रणालीजडित छुट्टाछुट्टै प्रवेशद्वार बनाउन गुरुयोजना संशोधन गर्ने भएको छ । ८ सय ७ रोपनी जमिनमा सर्वोच्च अदालत, संघीय संसद् र प्रधानमन्त्री तथा मन्त्रिपरिषद् कार्यालय र मन्त्रालयहरूलाई थप व्यवस्थापन गर्न गुरुयोजनालाई १३ औं पटक संशोधन गर्न लागिएको हो ।

सार्वजनिक जग्गामै प्लानिङ

भूमाफियाले काठमाडौंमा सार्वजनिक जग्गा हडपेर प्लानिङ गरेको खुलेको छ । जिल्ला प्रशासन कार्यालय काठमाडौंले अतिक्रमण भएका सार्वजनिक जग्गाको खोजी गर्दा प्लानिङ, बाटो, व्यक्तिका घरटहरा बनाउन प्रयोग गरेको पाइएको हो ।

माघ ५, २०७६

नारायणहिटी नजिक इतिहासको झल्को

मुख्य गेट पुग्नासाथ दुवैतर्फ पार्किङ । अगाडि सङ्लो पानीको फोहोरा । मुख्य स्मारकमा हिमाल, पहाड र तराई झल्किने नेपालको आकृति । त्यही आकृतिमा छानाबाट आइरहेका प्रकाशका राता किरण । 

माघ ४, २०७६

पाटन लेडी जेसिसमा नयाँ नेतृत्व

पाटन लेडी जेसिसको ४१ औँ अधिवेशनले सुष्मा श्रेष्ठको अध्यक्षतामा १७ सदस्यीय नयाँ समिति गठन गरेको छ । शनिबार पुलचोकमा भएको अधिवेशनले श्रेष्ठको अध्यक्षतामा २ वरिष्ठ उपाध्यक्ष, ४ उपाध्यक्ष सहितको समिति गठन गरेको हो । 

ADVERTISEMENT

पोखरी मासेर कतै भवन, कतै मैदान

उपत्यकाका ‘तीन सहर’मा ११८ पोखरी छन् । काठमाडौंमा २७, भक्तपुरमा ४० र ललितपुरमा ५१ । तीमध्ये २५ पोखरीमा भवन बनेका छन् । १६ पोखरी मैदान भएका छन् । ९ पोखरी सुक्खा छन् । एउटामा मन्दिर बनेको छ । धेरै पोखरी जीर्ण र सुक्खा छन् । केही मात्र ठीक अवस्थामा छन् । मासिएका कतिपय पोखरी पुन:स्थापित गर्न स्थानीय बासिन्दा जुर्मुराएका छन् । 

विभागभित्र व्यवसायीको हालीमुहाली

औषधि व्यवस्था विभागको मुलगेट छिर्नेबित्तिकै विभागका कर्मचारीभन्दा पहिले औषधि व्यवसायीसँग सेवाग्राहीको भेट हुन्छ । सेवाग्राहीलाई सघाउने भन्दै संस्थाको बोर्ड नै राखेर व्यवसायी बसिरहेका हुन्छन् । उनीहरूलाई छुट्टै कोठाको व्यवस्था पनि छ । विभाग परिसरमा कर्मचारीभन्दा व्यवसायीका गाडी बढी देखिन्छन् ।

माघ ३, २०७६

खुलामञ्चमा सवारी निषेध अवज्ञा

काठमाडौं महानगरपालिकाले खुलामञ्चमा सवारीसाधन निषेध गर्ने निर्णय कार्यान्वयन गर्न सकेको छैन । वडा नम्बर २८ कार्यालयले बुधबारदेखि खुलामञ्चमा सवारी पार्किङ गर्न नदिने भन्दै सूचना टाँस गरेको थियो ।

चालकले सामान नफर्काए ७ दिनसम्म ‘स्वयंसेवा’

पुस २८ गते बोहराटारबाट ठमेलसम्म जाँदा जानुका उप्रेतीले ट्याक्सीमै मोबाइल बिर्सिइन् । ट्याक्सीबाट झर्नेबित्तिकै मोबाइल छुटेको थाहा पाएर कल गरिन्, घण्टी गइरह्यो, फोन उठेन । ‘केही छिनमा त फोन नै अफ भयो,’ जानुकाले भनिन् । त्यही दिन हत्तारिँदै ठमेल पर्यटन विकास बोर्ड पुगेकी उनले सीसी क्यामेराको फुटेज हेरेर ट्याक्सी नम्बर पत्ता लगाइदिन आग्रह गरिन् ।

यसरी बन्छ भूकम्प प्रतिरोधी घर

कलात्मक आकृतिले भरिएको काठको बाहिरी मोहडा । पिंढी, कलात्मक झ्याल, माथि बार्दली । हेर्दा लाग्छ, यो कुनै पुरानो मौलिक घर हो । बाहिर काठको बरण्डा निकालेर बनाइएको यो संरचना पिलर सिस्टमको तीनतले घर हो । अर्थात्, परम्परागत मौलिक शैलीको आधुनिक भूकम्प प्रतिरोधी घरको नमुना ।