सौर्य एयरलाइन्सको जहाज उड्ने वित्तिकै त्रिभुवन अन्तर्राष्ट्रिय विमानस्थलमा दुर्घटना हुँदा १८ जनाले ज्यान गुमाएका छन् । दुर्घटनामा बाँचेका पाइलट मनिषरत्न शाक्यको उपचार भइरहेको छ । विमान दुर्घटनापछि त्यसक्षेत्रमा तत्कालै उद्धारको काम भएको थियो । प्रधानमन्त्री लगायतका सरकारी अधिकारीहरू दुर्घटनाबारे बुझ्न घटनास्थल पुगेका थिए । दुर्घटनामा परी निधन भएकाहरूको शव त्रिवि अस्पतालमा राखिएको छ । त्यहाँ शोकाकुल परिवारजनको चित्कार र रुवावासी चलेको छ । विमान दुर्घटना, उद्धार र अस्पतालसम्मका दृश्य कान्तिपुरको क्यामेरामा यसरी कैद भएका छन् :
कांग्रेस केन्द्रीय कार्यालयमा पुस्तकालय स्थापना भएको छ । आइतबार कांग्रेस सभापति शेरबहादुर देउवाले पार्टी केन्द्रीय कार्यालय सानेपामा स्थापना भएको पुस्तकालयको उद्घाटन गरेका हुन् ।
प्रधानमन्त्री केपी शर्मा ओली नेतृत्वको मन्त्रिपरिषद्का सबै मन्त्रीहरूले सोमबार शपथ ग्रहणपछि मन्त्रालय पुगेर पदभार सम्हाले । शीतल निवासमा शपथ ग्रहण गरेपछि मन्त्रीहरू सिंहदरबार पुगे । त्यसक्रममा प्रधानमन्त्री केपी ओलीसहितका मन्त्रीहरूको भावभंगी यस्तो थियो :
कांग्रेस सांसद प्रदीप पौडेलको नेतृत्वमा शनिबार चक्रपथअन्तर्गतको कलंकी-धोबीखोला सडकखण्ड विस्तारका लागि दबाब यात्रा गरिएको छ। सडक विस्तार तुरून्त अघि बढाउनुपर्ने मागसहित आज बिहान उनको पहलमा सामूहिक दबाब यात्रा गरिएको हो ।
ढुवानी मजदुरहरुको आन्दोलनका कारण निजी पेट्रोल पम्पहरुले इन्धन बिक्री वितरण रोकेपछि सरकारी पेट्रोल पम्पहरुमा चाप बढेको छ । पेट्रोलियम ढुवानी मजदुरहरुले आइतबारबाट विभिन्न माग राख्दै आन्दोलन सुरु गरेपछि हल्चोकस्थित सशस्त्र प्रहरीको पेट्रोल पम्प, भद्रकालीस्थित नेपाली सेनाको पेट्रोल पम्प, नक्सालस्थित नेपाल प्रहरीको पेट्रोल पम्पमा आइतबार राति अबेरसम्म इन्धन भर्नेको घुइँचो देखिएको हो । हल्चोक पेट्रोल पम्पका केही तस्बिरहरु :
चुरे तथा वन जंगल संरक्षणका लागि आह्वान गर्दै काठमाडौं आएको चुरे तथा वन जंगल संरक्षण अभियानको टोलीले शुक्रवार काठमाडौंको माइतीघर मण्डलादेखि बानेश्वरसम्म र्याली निकालेको छ । टोलीमा २३ दिनसम्म पैदल हिँडेर सप्तरीदेखि काठमाडौं आइपुगेका २२ जना छन् । चुरे तथा वन जंगल संरक्षणका लागि सरकारको ध्यानाकर्षण गराउँदै उनीहरुले भारदहदेखि चितवन हुँदै काठमाडौंसम्म पैदलयात्रा गरेका थिए । जेठ १० मा काठमाडौं आइपुगेका उनीहरुले त्यसयता काठमाडौंमा पनि निरन्तर धर्ना र प्रदर्शन गर्दै आएका छन् ।
नागढुंगा सिस्नेखोला सुरुङ जाने फ्लाईओभर निर्माण धमाधम भइरहेको छ । अहिलेसम्म ५० प्रतिशत निर्माणको काम सकिएको नागढुंगा सिस्नेखोला आयोजनाले जनाएको छ । बलम्बुमा निर्माण जारी रहेको फ्लाईओभर भएर सवारी साधन सुरुङमार्ग पुग्नेछन् ।
निर्मला कुर्मीको अपहरण र हत्याका दोषीमाथि कारबाहीको माग गर्दै आएका परिवारजन र अधिकारकर्मी रुबि खानसहितको समूहले शुक्रबार माइतीघर क्षेत्रमा प्रदर्शन गरेको छ । 'जेल भरौं अभियान' ब्यानरमा भएको प्रदर्शनको क्रममा निषेधित क्षेत्र तोड्न खोजेको भन्दै प्रहरीले प्रदर्शनकारीलाई लछारपछार गर्दै पक्राउ गरेको छ । उनीहरु कलंकीदेखि पैदल यात्रा गर्दै माइतीघर आइपुगेका थिए । त्यहाँ उनीहरुले 'जेल भरौ अभियान' भन्दै प्लेकार्ड प्रदर्शनसहित निषेधित क्षेत्र सिंहदरबारतर्फ जान लागेपछि प्रहरीले हस्तक्षेप गरेको हो ।
ललितपुरको कुपण्डोलबाट यूनएन पार्क जोड्ने बाग्मती करिडोरको रोडको बीचमा रहेका विजुलीका पोलहरू सार्न सुरू गरिएको छ । अधिकार सम्पन्न बागमती सभ्यता एकीकृत विकास समितिले सडक बत्तीका पोलसमेत नसारी सडक पिच गरेको थियो ।
२३.१२°C काठमाडौं
