नेपालको दुईदिने राजकीय भ्रमणमा रहेका चिनियाँ राष्ट्रपति सी चिनफिङ त्रिभुवन विमानस्थलबाट सोल्टी होटल प्रस्थान गरेका छन् । उनी एयर चाइनाका २ वटा विमानबाट ल्याइएका कारकेड र बुलेटप्रुफ कारको सुरक्षा घेरामा रहँदै सोल्टी गएका हुन्। सी शनिबार अपरान्ह पौने ५ बजे काठमाडौं ओर्लिएका थिए ।
नेपालमा मनसुन सक्रिए भएको धेरै दिन भएको छैन। केही दिन अघिदेखि पर्न सुरु भएको पानीले राजधानीका अधिकांश बाटोमा पानी जम्ने र बाटो हिलाम्य भएका छन् । खासगरी राजधानीको रिङरोड बाहिरका बाटोमा झन् हिलोले सर्वसाधारणको दैनिकै नै प्रभावित पारिदिएको छ ।
रोपाइँ दिवसको सन्दर्भमा कान्तिपुर पब्लिकेसन्स्ले शनिबार ललितपुरमा एक कार्यक्रम गरेको छ । गोदावरी भिजेज रिसोर्ट नजिकै भएको ‘मड फेस्ट’मा राष्ट्रिय कलाकारहरुका साथ स्थानीय युवा युवती खेतमा रोपाइँ गर्दै आपसमा हिलो खेल्दै रमेका थिए । कुटुम्भ र ज्योभन भुजुको लाइभ प्रस्तुति रहेको कार्यक्रममा मड फुटबल, डोरी तानातानजस्ता खेलसमेत भए । संगीतमय वातावरणमा हिलो छ्यापाछ्याप गर्दै रोपाइँ गर्दा बेग्लै माहोल बनेको थियो । पब्लिकेसन्स्ले विगत वर्षहरुझैं रोपाइँ पर्वलाई विशेष मनाउन कार्यक्रमलाई निरन्तरता दिएको हो ।
लोकसेवा आयोगले स्थानीय तहका लागि मागेको कर्मचारी अवश्यकतासम्बन्धी विज्ञापनबारे छलफल गर्न राज्य व्यवस्था तथा सुशासन समितिले तीनपटक बोलाउँदा पनि संघीय मामिला तथा सामान्य प्रशासनमन्त्री लालबाबु पण्डित बैठकमा गएनन् । उनी नआउने भए विज्ञापनबारे समितिले अन्तिम निर्णय लिने भन्दै निर्देशन ड्राफ्ट समेत गर्यो । उनलाई शुक्रबार बिहान बोलाइएको थियो । मन्त्री पण्डित शुक्रबार बिहान गएनन् । बिहान समिति बैठकमा नगएपछि फेरि बेलुका मन्त्रीलाई आफ्नो भनाइ राख्न अन्तिम मौका दिने भन्दै ५ बजे समिति बैठक बोलाइयो ।
राष्ट्रपति विद्यादेवी भण्डारीले सरकारको आगामी आर्थिक वर्ष २०७६/०७७ को नीति तथा कार्यक्रम प्रस्तुत गरिरहेकी छन् ।संघीय संसद् (प्रतिनिधिसभा र राष्ट्रयसभा)को आजको संयुक्त बैठकमा उनले अपराह्न ४ बजेर १० मिनेटमा नीति तथा कार्यक्रम प्रस्तुत गरेकी हुन् । उनीट संसद भवन जाँदा बबरमहलदेखि वानेश्वरसम्म यस्तो देखियो ।
नेपालको एकमात्र अन्तर्राष्ट्रिय विमानस्थलको धावनमार्ग 'रिह्याब्लिटेसन' (सुधार)को कामको बुधबार एक कार्यक्रमबीच पर्यटन राज्यमन्त्री धनबहादुर बूढाले पुजा गरेर सुरुआत गरेका छन् । धावनमार्ग सुधार गर्ने कामको जिम्मा चिनियाँ निर्माण कम्पनी एभीआईसीले पाएको छ । धावनमार्ग सुधार गर्नका लागि विमानस्थल राति १० बजेदेखि बिहान ८ बजेसम्म बन्द गरिने छ ।
मध्यपुरथिमि नगरपालिका-३ कौशलटार डाँफेटोलस्थित एक फर्निचर उद्योगमा आगालागी भएको छ । प्रहरीका अनुसार स्थानीय राजु श्रेष्ठले संचालन गरेको श्रेष्ठ फर्निचर उद्योगमा अचानक आगलागी हुँदा उद्योग जलेर पूर्णरुपमा क्षति भएको छ ।
ताप्लेजुङमा बुधबार भएकाे हेलिकप्टर दुर्घटनामा निधन भएका सबैजनाको शव श्रद्धाञ्जलीका लागि टुँडिखेलमा राखिएकाे छ । दुर्घटनामा निधन भएका पर्यटन तथा नागरिक उड्डयनमन्त्री रवीन्द्र अधिकारीसहितका मृतकलाई राष्ट्रपति विद्यादेवि भण्डारी, उपराष्ट्रपति नन्दबहादुर पुन, प्रधानमन्त्री केपी ओली, सभामुख कृष्णबहादुर महरा, मन्त्रीहरु लगायतले टुँडिखेल पुगेर श्रद्धाञ्जली दिएका छन् ।
काठमाडौं उपत्यका वरपरका डाँडा बिहीबार बिहान हिउँले सेताम्मे बनेका छन् । बुधबार बिहानै देखिकाे वर्षाका कारण राति हिमपात भएकाे हाे । हिमपात पछि उपत्यकाकाे माैसम खुलेकाे छ ।
