३ महिनाभित्रै लेखा परीक्षण सक्न बिमा संस्थान र कम्पनीलाई अर्थमन्त्रीको निर्देशन 

सरकारी बिमा कम्पनीको लेखा परीक्षण हुन नसक्नु चिन्ताको विषय भएको बताउँदै उनले आजका मितिबाट तीन महिनाभित्रै लेखा परीक्षण सम्पन्न गर्न निर्देशन दिएका हुन् । अधिक सरकारी स्वामित्वको राष्ट्रिय बिमा कम्पनीको सेयर दोस्रो बजारमा पनि कारोबार हुँदै आएको छ । सो कम्पनीको मूल्य युनिलिभरपछिकै सबैभन्दा महँगो छ । सोमबार बजार बन्द हुँदा कम्पनीको मूल्य प्रतिकित्ता १३ हजार ४ सय रुपैयाँ छ ।

मन्त्री पौडेलले लेखा परीक्षण सम्पन्न नहुँदासम्म बोनस र लाभांश वितरणलाई पनि अघि नबढाउन निर्देशन दिएका छन् । बैठकमा अर्थमन्त्रालय राजस्व सचिव रामप्रसाद घिमिरे, नेपाल बिमा प्राधिकरणका अध्यक्ष सूर्यप्रसाद सिलवाल, राष्ट्रिय बिमा संस्थानका प्रमुख प्रशासक कविराज पाठक, राष्ट्रिय बिमा कम्पनीका प्रमुख कार्यकारी अधिकृत शेखर बराल लगायतको उपस्थिति थियो ।