प्रजातन्त्र आउँदा त्यो एक्लै आएन । २००७ सालपछिको व्यवस्था हाँक्न हरेक दशकमा केन्द्रीय पात्रहरू देखिएका छन् । त्यसअघिको निर्णायक ऐतिहासिक घटनास्वरूप विसं २००० को मध्यदशकमा बीपी कोइराला, गणेशमान सिंह, मनमोहन अधिकारीको पुस्ता अघि सरेर विद्रोहको अगुवाइ गर्‍यो । १० को दशक बीपी, मातृकाप्रसाद कोइराला टंकप्रसादहरूको टकरावको समय थियो, जसमा खेल्दै परिवर्तन उल्ट्याउन राजा महेन्द्र अघि सरे । ०२० को दशकभरि कुनै न कुनै रूपमा महेन्द्रकै नीतिहरू हावी भए ।