ट्वीटरको आम्दानी आधा घट्यो

‘विज्ञापनबाट उठ्ने राजस्वमा ५० प्रतिशतको कमी र भारी ऋणभारका कारण हामी अझै नकारात्मक नगद प्रवाहमा छौं,’ अर्बपति मस्कले शनिबार ट्वीट गरेका छन्, ‘हामीसँग अरू कुनै पनि चीजको विलासिता हुनुभन्दा पहिले सकारात्मक नगद प्रवाहमा पुग्न आवश्यक छ ।’ ‘इन्साइडर इन्टेलिजेन्स’ का अनुसार ट्वीटरले सन् २०२३ मा तीन अर्ब डलरभन्दा कम आम्दानी गर्ने अनुमान गरिएको छ, जुन सन् २०२२ को तुलनामा एक तिहाइ कम हो ।

ट्वीटरका करिब २० करोड नियमित प्रयोगकर्ता रहेको अनुमान गरिएको छ तर मस्कले प्लेटफर्म किनेर थुप्रै कर्मचारीलाई बर्खास्त गरेपछि यसले बारम्बार प्राविधिक असफलताको सामना गर्नुपरेको छ ।