कान्तिपुर हाफ म्याराथन : रमेश र ऐश्वर्यलाई ह्विलचेयरको उपाधि 

डेन थिङ दोस्रो भए । गत वर्ष पहिलो पटक सहभागी हुँदा तेस्रो भएका उनले ७ मिनेट ३५ सेकेन्डको टाइमिङ निकालेका थिए । उनी पनि आर्मीका बास्केटबल खेलाडी हुन् । रामकाजी मिराज तेस्रो भए । उनले ८ मिनेट ५२.८४ सेकेन्डमा दौड पूरा गरे ।

महिलातर्फ ऐश्वर्य कुमाल च्याम्पियन भइन् । बास्केटबल र पौडीका पनि खेलाडी उनले १० मिनेट ९.७८ सेकेन्डमा दौड पूरा गरिन् । यामकुमारी झाक्री दोस्रो र पेमा जुलुङ तेस्रो भए । यामकुमारीले १० मिनेट ५१.०७ सेकेन्ड र पेमाले ११ मिनेट २५.१० सेकेन्डमा दौड पूरा गरेका थिए ।

‘लेट्स गो ग्रिन टुगेदर’ नारासहित कान्तिपुर हाफ म्याराथनको ११ औं संस्करण आयोजना भएको थियो । थापाथलीस्थित कान्तिपुर पब्लिकेसनको कार्यलय अगाडिबाट सुरु भएको ह्विलचेयर रेस, थापाथली, माइतीघर मण्डला फन्को लगाएर पुनः सेन्ट्रल बिजनेस पार्कमै गएर टुंगिएको थियो ।

शारीरिक रूपमा फरक क्षमताका लागि हुने ह्विलचियरतर्फ पहिलोदेखि तेस्रो स्थान हात पार्नेले क्रमशः ३० हजार, २० हजार र १० हजार रुपैयाँ पाउनेछन् । हाफ म्याराथन पुरुष र महिला दुवैका विजेताले १ लाख रुपैयाँ पुरस्कार पाउनेछन् । दोस्रोले ५० हजार, तेस्रोले ३० हजार, चौथोले २० हजार, पाँचौंले १० हजार र छैटौं हुनेले ५ हजार रुपैयाँ पाउनेछन् ।