'सञ्चालकको जायजेथा बेचेर भए पनि सहकारीको बचत फिर्ता हुन्छ : लामिछाने’ समाचारमा facebook.com/eKantipur बाट लिइएका केही टिप्पणी :
जीबी राई समातिए भने बल्ल थोरै विश्वास गर्न सकिएला, नत्र भोट बटुल्नेबाहेक केही हुन सक्दैन ।
– सुरेन्द्र दाहाल
सहकारीको कुरा वारपार गर्नैपर्छ कुनै पनि हालतमा ।
– सुदर्शन
सबैले भन्ने यही हो तर पीडितको समस्या समाधान हुने कुनै लक्षण देखिँदैन । कहाँबाट कसरी फिर्ता हुन्छ, कुनै कार्ययोजना प्रस्तुत नभई यस्ता गफको कुनै अर्थ छैन ।
– ध्रुवराज आचार्य
बचतकर्ताहरूको १ पैसा बाँकी रहेसम्म पनि सञ्चालकहरू सबै जेल बस्नुपर्ने कडा कानुन बनाएमा ठगी धेरै रोकिन्छ ।
– गोपाल देवकोटा
जसरी हुन्छ, कानुन बनाएर हुन्छ वा कानुन बिगारेर हुन्छ तर सहकारीपीडितले बचत फिर्ता पाउनुपर्छ र यो रास्वपाको पनि एजेन्डा हो । त्यसैले यो कामलाई तीव्र गतिमा लगियोस् ।
– सुशील क्षेत्री
यो कुरो सही हो । तर कुरो मात्रै हो कि काम पनि हुन्छ ?
– वसन्त शाही
आश्वासनका भाषण सुन्दासुन्दै सात पुस्ता काटेको नेपाली समाज अब सचेत हुँदै छ । अब पहिला खुरुखुरु काम गर्ने, काम गरिसकेपछि भाषण ठोक्ने, घोक्रो सुकाउनै पर्दैन । बिस्तारै बोल्दा पनि चर्को हुटिङ हुन्छ ।
– खगेन्द्रप्रसाद सन्याल