बलेफीलाई उपाधि
सिन्धुपाल्चोक — यस वर्षको चौथो बलेफी गाउँपालिका जिल्लास्तरीय फुटबल प्रतियोगिताको उपाधि बलेफी गाउँपालिकाले उचालेको छ । सुनकोसी ७ स्थित वसन्तपुर मैदानमा बलेफीले पाँचपोखरी थाङ्पाल गाउँपालिकालाई पेनाल्टी शुटआउटमा ६–५ ले हराएको थियो ।
सिन्धुपाल्चोक फुटबल संघको प्राविधिक समन्वय र बलेफी गाउँपालिकाको आयोजनामा भएको प्रतियोगितामा जिल्लाका १२ स्थानीय तहबाट १२ टिम प्रतिस्पर्धी थिए । निर्धारित समय गोलरहित बराबरीमा सकिएपछि खेल टाइब्रेकरमा पुगेको थियो । त्यसमा बलेफीले ६–५ को नतिजा निकाल्यो ।
विजेता बलेफीले १ लाख र उपविजेता पाँचपोखरीले ५० हजार रुपैयाँ पुरस्कार पाए । विजेतालाई बलेफीका अध्यक्ष गंगाबहादुर लामा, सिन्धुपाल्चोक जिल्ला फुटबल संघका अमृत श्रेष्ठलगायतका पुरस्कार प्रदान गरे ।
प्रकाशित : चैत्र १२, २०७९ २२:३८प्रतिक्रिया