दोस्रो जितसँगै खुमलटार चौथोमा
काठमाडौँ — 'सहिद स्मारक लिग ए डिभिजन ०७९–०८०' अन्तर्गत खुमलटारले हिमालयन शेर्पालाई सोमबार भएको खेलमा २–१ ले हराएको छ । च्यासल मैदानमा भएको खेलमा खुमलटारका लागि मनीष थापा र स्टेफन समीरले एक/एक गोल गरे ।
मनीषले २२ औं मिनेटमा गोल गरेपछि समीरले ६५ औं मिनेटमा अर्को गोल थपे ।
यस्तै हिमालयनका लागि विश्वास श्रेष्ठले एक गोल फर्काए । यो गोल ८० औं मिनेटमा सम्भव भएको थियो । यो जितपछि माथिल्लो डिभिजनमा डेब्यु गरिरहेको खुमलटारको चार खेलबाट ६ अंक भएको छ र चौथो स्थानमा उक्लिन सफल रह्यो । हिमालयन शेर्पा भने चार अंकमै सीमित रह्यो र दसौं स्थानमा झरेको छ ।
प्रकाशित : फाल्गुन २९, २०७९ १६:३८प्रतिक्रिया