एभटरनलाई हराएपछि वेस्ट ह्यामलाई राहत

तीन महिनायता वेस्ट ह्यामको यो पहिलो जित हो र यसले व्यवस्थापक डेविड मोयसको भविष्य केही हदसम्म सुरक्षित भएको छ । हारले एभरटनका व्यवस्थापक फ्रायन्क लाम्पार्ड भने दबाबमा परे र उनी कुनै पनि बेला बर्खास्तीमा पर्न सक्नेछन् ।

यो जितपछि वेस्ट ह्यामको १८ अंक भएको छ र १५ औं स्थानमा उक्लेको छ । एभरटन भने १५ अंकमा १९ औं स्थानमा रह्यो । शनिबारका अन्य खेलमा एस्टन भिल्लाले पुछारमा रहेको साउथह्याम्पटनलाई १–० ले हरायो ।

यस्तै, क्रिस्टल प्यालेस र न्युकासलले गोरहित बराबरी खेले भने लेस्टर र ब्राइटनबीच २–२, बर्नमाउथ र नटिङघम फरेस्टबीच १–१ तथा लिभरपुल र चेल्सीबीच गोलरहित खेल भएको थियो ।