२४.१२°C काठमाडौं
भारतको लोकसभा निर्वाचनका लागि तीन दिन नाका बन्द हुने
कञ्चनपुर — भारतको लोकसभा निर्वाचनका लागि कञ्चनपुरको गड्डाचौकी र ब्रम्हृदेव नाका तीन दिन बन्द हुने भएको छ । जिल्ला प्रशासन कार्यालय कञ्चनपुरका अनुसार पहिलो चरणको निर्वाचनका लागि मंगलबारदेखि (वैशाख ४ गते सांझ ५ः १५ वजेदेखि देखि ७ गते ५ः १५ सम्म ) नाका बन्द हुने जनाएको छ ।
पहिलो चरण अन्तर्गत अप्रिल १९ का दिन उत्तराखण्ड लगायतका क्षेत्रमा निर्वाचन भइरहेको छ । उत्तराखण्डको चम्पावत जिल्ला कञ्चनपुरसंग जोडिएको छ । उक्त क्षेत्रमा ब्रम्हृदेव र गड्चौकी नाका पर्दछन् ।
चम्पावतका डिस्ट्रिक मजिष्ट्रेटले पठाएको पत्र अनुसार तिन दिन एम्बुलेन्स लगायतका अत्यावश्यक बाहेक आवगमन बन्द रहने प्रशासनले जनाएको छ । लोकसभा निर्वाचन अप्रिल १९ देखि जुन १ सम्म सात चरणमा हुनेछ ।
प्रतिक्रिया
