भरुवा बन्दुकसहित एक जना पक्राउ
दार्चुला — मालिकार्जुन गाउँपालिका-७ पासादेउमा भरूवा बन्दुकसहित एक जना पक्राउ परेका छन् । पासादेउ बस्ने ५८ वर्षीय केशरसिंह धामी एकनाले भरूवा बन्दुकसहित सोमबार साँझ पक्राउ परेका हुन् ।
उनी एक थान भरुवा बन्दुकसहित पक्राउ परेको जिल्ला प्रहरी कार्यालयका सूचना अधिकारी ज्ञानेन्द्रबहादुर सिंहले बताए । उनका अनुसार प्रहरीले विशेष सूचनाको आधारमा धामीको खुद्रा पसल नजिकै झाडीमा लुकाएको अवस्थामा उक्त बन्दुक फेला पारी पक्राउ गरिएको हो ।
धामीलाई मंगलबार जिल्ला अदालतबाट म्याद थप गरेर अनुसन्धान भइरहेको जिल्ला प्रहरी कार्यालय दार्चुलाले जनाएको छ ।
प्रकाशित : जेष्ठ ९, २०८० १६:१४प्रतिक्रिया
