ब्यासमा पुरूष मृत फेला
दार्चुला — ब्यास गाउँपालिका–६ बडूगाउँस्थित नेपाल–भारत जोड्ने पुल नजिक महाकाली नदी किनारमा एक पुरुषको शव फेला परेको छ ।
बिहीबार बिहान १० बजेतिर बडुगाउँको पुल छेउमा अन्दाजी ४० वर्षीय पुरुषको शव फेला परेको प्रहरीले जनाएको छ ।
जिल्ला प्रहरी कार्यालयका अनुसार शवको पहिचान भने हुन सकेको छैन । उक्त शव महाकाली नदीमा बगेर आएको हुन सक्ने आशंका गरिएको छ । अहिले शव फेला परेको ठाउँमा इलाका प्रहरी कार्यालय हुतिबाट प्रहरी टोली खटिएको प्रहरीले जनाएको छ ।
प्रतिक्रिया
