वनमा आगलागी हुँदा बाबुछोरी जलेर घाइते

सामुदायिक वनमा बाख्रा चराउन गएका उनीहरु वनमा लागेको आगो निभाउन लाग्दा जलेर घाइते भएको प्रहरी निरीक्षक थापाले जानकारी दिए। उनीहरूका बाख्रा पनि जलेका छन् । आगोले जलेर ३० मध्ये १८ बाख्रा मरेको स्थानीय सदानन्द तिमिल्सिनाले बताए।आफ्नो बाख्रा जले–नजलेको हेर्दै आगो निभाउने क्रममा उनीहरुलाई आगोले पोलेको थियो।

शरीर जलेर घाइते बाबुछोरीलाई उपचारका लागि जिल्ला अस्पताल मान्म ल्याइएको र यहाँ उपचार हुन नसक्ने भएपछि कर्णाली स्वास्थ्य विज्ञान प्रतिष्ठान जुम्ला पठाइएको जिल्ला अस्पताल प्रमुख डा. संकेत विश्वकर्माले बताए। उनकाअनुसार घाइतेको ६० प्रतिशत शरीर जलेको छ ।

बिहीबारदेखि यहाँको खाडाचक्र-२ थामकोटको बल्ले काँध वनमा लागेको आगो पनि अझै नियन्त्रण हुन सकेको छैन । भिर भएकाले आगो निभाउन जान नसकिएको स्थानीय देवीचन्द्र पाण्डेले बताए।