भीरबाट लडेर बालिकाको मृत्यु

भाद्र २७, २०८०तुलाराम पाण्डे

कालीकोट — बाख्रा चराउन गएकी एक बालिकाको भीरबाट लडेर खोलामा खसेपछि मृत्यु भएको छ । नरहरिनाथ–३ कुमालगाउँ भराताकी १३ वर्षीया करिष्मा विष्टको गाउँदेखि तल भेरा खोला भीरको किनाराबाट चिप्लिएर खोलामा खसेपछि बुधबार घटनास्थलमै मृत्यु भएको जिल्ला प्रहरी कार्यालय कालीकोटका सूचना अधिकारी पोषण थापाले बताए ।

शवको पोस्टमार्टमका लागि सदरमुकाम मान्मबाट प्रहरी टोली घटनास्थल गएको छ । स्थानीय जनता आधारभूत विद्यालयमा ७ कक्षामा पढ्ने बालिकाको मृत्यु भएपछि विद्यालय बन्द गरिउको शिक्षक सावित्री भट्टराईले बताइन् ।