लागूऔषधसहित दाङमा पाँच युवक पक्राउ
दाङ — ब्राउनसुगरसहित बुधबार बेलुका दाङमा पाँच जना युवक पक्राउ परेका छन् । गढवा गाउँपालिका ४ स्थित दुखीराम चौधरीको खाली घरमा बसेर लागूऔषध सेवन गरिरहेको अवस्थामा उनीहरूलाई प्रहरीले पक्राउ गरेको हो ।
इलाका प्रहरी कार्यालय गढवाका प्रहरी निरीक्षक नविन वलीका अनुसार गोप्य सूचनाका आधारमा प्रहरी निरीक्षक वलीको नेतृत्वमा खटिएको प्रहरी टोलीले घर खानतलासी गर्दा १० ग्राम ब्राउनसुगरसहित पाँच जना पक्राउ परेका हुन् ।
पक्राउ पर्नेमा घोराही उपमहानगरपालिका १५ का १९ वर्षीय त्रिशक्ती बर्तौला, गढवा–४ का ३५ वर्षीय सद्धाम मनिहार, २४ वर्षीय अनिल पहाडी, २७ वर्षीय प्रदिप चौधरी र २५ वर्षीय मनोज चौधरी छन् ।
उनीहरुलाई नियन्त्रणमा राखेर थप अनुसन्धान गरिरहेको जिल्ला प्रहरी प्रवक्ता डीएसपी राजनकुमार गौतमले जानकारी दिए ।
प्रकाशित : चैत्र ८, २०७९ २१:३७