दोलखामा मोटरसाइकल दुर्घटनामा एक जनाको मृत्यु

कार्तिक १४, २०८०केदार सिवाकोटी

दोलखा — दोलखाको भीमेश्वर नगरपालिका-७ साखिने नजिकै मोटरसाइकल दुर्घटना हुँदा एक जनाको मृत्यु भएको छ । काठमाडौंबाट घर चरिकोट आउँदै गरेको प्रदेश-२ ४४ प ६८८३ नम्बरको मोटरसाइकल मंगलबार दिउँसो दुर्घटना हुँदा गौरीशंकर गाउँपालिका-५ सुरीका रामकुमार खड्काको मृत्यु भएको प्रहरीले जनाएको छ ।

खड्काले आफैंले चलाएको मोटरसाइकल अनियन्त्रित भएर दुर्घटना भएको थियो । दोलखा सामुदायिक अस्पतालमा उपचारका क्रममा उनको मृत्यु भएको प्रहरीले जनाएको छ ।