राजविराजमा हुलाकी राजमार्ग अतिक्रमण गरी बनाइएका संरचना हटाउन थालियो

अतिक्रमित संरचना नहटाइँदा उक्त खण्डमा हुलाकी मार्ग निर्माण हुन सकिरहेको थिएन । अतिक्रमण गरी बनाइएका संरचना हटाउन सूचना गरिए पनि नहटाइएपछि डोजर लगाएर भत्काउनु परेको राजविराज नगरपालिकाकी कार्यवाहक नगर प्रमुख इसरत परविणले जानकारी दिइन् ।

बिहानैदेखि नेपाल र सशस्त्र प्रहरीको सुरक्षामा कार्यवाहक नगर प्रमुख परविणको नेतृत्वमा जनप्रतिनिधिहरु , नगरपालिकाका कर्मचारीहरु र सफाइकर्मीहरु अतिक्रमण हटाउने कार्यमा जुटेका छन् ।

यसअघि नगरपालिकाले राजविराजको हटियामा रहेको अतिक्रमण पनि डोजर लगाएर हटाएको थियो ।