'माइतीघर' अभिनेता सिपी लोहनीको निधन
काठमाडौँ — 'माइतिघर' अभिनेता सिपी लोहनीको ८६ वर्षको उमेरमा निधन भएको छ । लामो समयदेखि अलजाइमरको समस्याले ग्रसित लोहनीले माइतीघरको न्युरो अस्पतालमा अन्तिम सास फेरेको कलाकार संघका अध्यक्ष मोहन निरौलाले जानकारी दिए ।
सोमबार दिउँसो १:३० मा उनको निधन भएको संघले जनाएको हो । निरौलाका अनुसार लोहनीको पार्थिव शरीरलाई आज नै आर्यघाट पुर्याइ श्रद्धाञ्जली दिइनेछ । अभिनेत्री माला सिन्हाकी पतिसमेत रहेका निरौलाले गायनमा दख्खल राख्थे ।
उनले रेडियो नेपालमा गीतसमेत रेकर्ड गरेका थिए । थुप्रै सिडी निकालिसकेका लोहनीको पछिल्लो एल्बम 'पुनरागम' हो । लोहनीको सन्तानमा एक छोरी छिन् । माइतीघरपछि लोहनीले नेपाली फिल्ममा खासै काम गरेनन् ।
प्रतिक्रिया