दलित अधिकारका क्षेत्रमा नयाँ रेकर्ड बनाउने गरी काम गर्छु : प्रधानमन्त्री दाहाल
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — प्रधानमन्त्री पुष्पकमल दाहालले दलित अधिकारको क्षेत्रमा नयाँ रेकर्ड बनाउने गरी काम गर्ने दोहोर्याएका छन् । नेपाल दलित मुक्ति मोर्चाको राष्ट्रिय सम्मेलनलाई सम्बोधन गर्दै माओवादी केन्द्रका अध्यक्षसमेत रहेका प्रधानमन्त्री दाहालले आफूले दलित अधिकारको क्षेत्रमा एक कदम अघि बढेर काम गर्न चाहेको बताए ।
![](https://assets-cdn.ekantipur.com/uploads/source/ads/900x100-0762024075620.gif)
![दलित अधिकारका क्षेत्रमा नयाँ रेकर्ड बनाउने गरी काम गर्छु : प्रधानमन्त्री दाहाल](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/prahanda-0652023112326-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
‘हामीले दस वर्षे द्वन्द्वका क्रममा दलित अधिकारका मुद्धाहरूलाई उठायौँ, मैले दलितहरूका समस्यालाई नजिकबाट बुझेको छु,’ उनले भने, ‘शिक्षा, स्वास्थ्य र रोजगारीको समस्या सबैभन्दा धेरै दलितहरूलाई नै छ । भूमि व्यवस्थापनको समस्या पनि दलितहरूकै हो । म यी सबै समस्या समाधानका लागि सकारात्मक छु । यो सरकारले दलित अधिकारको क्षेत्रमा नयाँ रेकर्ड बनाउने गरी काम गर्छ ।’
उनले संविधानले उत्पीडित वर्ग समुदायको अधिकारलाई विभिन्न ढंगबाट सम्बोधन गरेको, तर त्यसलाई पूर्ण कार्यान्वयनमा लैजानुपर्ने चुनौती रहेको बताए ।
प्रधानमन्त्री दाहालले सरकारले सामाजिक न्याय, सुशासन र समृद्धिलाई उच्च प्राथमिकतामा राखेर काम गरिरहेको बताए ।
प्रकाशित : वैशाख २३, २०८० १४:५२