दलित अधिकारका क्षेत्रमा नयाँ रेकर्ड बनाउने गरी काम गर्छु : प्रधानमन्त्री दाहाल

‘हामीले दस वर्षे द्वन्द्वका क्रममा दलित अधिकारका मुद्धाहरूलाई उठायौँ, मैले दलितहरूका समस्यालाई नजिकबाट बुझेको छु,’ उनले भने, ‘शिक्षा, स्वास्थ्य र रोजगारीको समस्या सबैभन्दा धेरै दलितहरूलाई नै छ । भूमि व्यवस्थापनको समस्या पनि दलितहरूकै हो । म यी सबै समस्या समाधानका लागि सकारात्मक छु । यो सरकारले दलित अधिकारको क्षेत्रमा नयाँ रेकर्ड बनाउने गरी काम गर्छ ।’

उनले संविधानले उत्पीडित वर्ग समुदायको अधिकारलाई विभिन्न ढंगबाट सम्बोधन गरेको, तर त्यसलाई पूर्ण कार्यान्वयनमा लैजानुपर्ने चुनौती रहेको बताए ।

प्रधानमन्त्री दाहालले सरकारले सामाजिक न्याय, सुशासन र समृद्धिलाई उच्च प्राथमिकतामा राखेर काम गरिरहेको बताए ।