सुनकोसी–मरिण डाइभर्सनमा १२ अर्ब खर्च

सुरुङ निर्माण, सुनकोसी नदीमा हेडवर्क्सको काम, सामाजिक काम र घर तथा जग्गा अधिग्रहणमा यति रकम खर्च भएको आयोजनाले जनाएको छ ।

भौतिक कार्यतर्फ प्रगति २६.३८ प्रतिशत र वित्तीय २४.१० प्रतिशत छ । ०७७ फागुन २० मा कमलामाई नगरपालिका–२ को कसुमटारमा शिलान्यास भई आयोजना निर्माणको थालनी भएको थियो । त्यसको डेढ वर्षपछि ०७९ असोज २८ बाट सुरुङ निर्माणको काम सुरु भएको हो । सुरुङ निर्माणको ८० प्रतिशत काम सकिएको छ भने हेडवर्क्सतर्फ सुनकोसीमा बाँध निर्माणको काम यसै वर्षबाट सुरु भएको छ ।

सुरुमा २ अर्ब ८ करोड विनियोजन भएकामा अपुग भई थप एक अर्ब ९ करोड सरकारबाट प्राप्त भएको आयोजना प्रमुख मित्र बरालले जनाए । यस वर्ष सरकारले विनियोजन गरेको ४ अर्ब ३९ करोड ५४ लाख रहेकामा कामअनुसार ११ अर्ब खर्च हुने देखिएको छ ।