मधेशले भोगेका समस्यालाई म आफैंलाई एक प्रतिनिधि पात्र मानेर हेर्ने हो त्यो बढी सार्थक हुन्छ । पीडा व्यक्तिको होइन, समुदायको मात्र पनि होइन, त्यो राष्ट्रकै पीडा हो । यसलाई सबैले अनुभूत गर्न सक्नुपर्छ । म चुरे भावर वा शिवालिकको विज्ञ होइन । तर त्यसले तराईलाई दिएको पीडाबारे मलाई ज्ञान छ । वास्तविकता के हो भने चुरेको दुष्प्रभाव अहिले तराईका हरेक क्षेत्रमा देखिन्छ ।
पहिलो संविधानसभाले परिकल्पना गरेको थियो, संघीयताका दुई वटा पक्ष— एउटा पहिचान, अर्को क्षमता । वास्तवमा अहिले हाम्रो संघीय संरचनाले दुई वटैलाई सम्बोधन गरेको हो । साँच्चिकै पहिचानका पाँच र सामथ्र्यका चार आधार थिए । यसलाई पूर्ण रूपमा उपेक्षा गरिएकै हो । यसमा कुनै दुई मत छैन ।
