अमेरिकी सहायता समुद्री मार्ग हुँदै गाजामा

संस्थाले खाद्यान्न अभाव कम गर्न सहायता जारी राखेको बताएको छ । यसले गाजामा अनिकालको चेतावनीलाई कम गर्ने आशा गरिएको छ । उक्त ढुवानीमा तयारी खानेकुरा सिमी, गाजर, चना, मकै, चामल, पिठो, तयारी खाना तथा तेल र नुनलगायत सामानहरू समावेश रहेको संस्थाले जनाएको छ । मानवीय सहायता समूहले दोस्रो जहाज कहिले गाजा पुग्छ भन्नेबारे जानकारी नभएको बताएको छ ।

इजरायली सेनाले शुक्रबार स्पेनी परोपकारी संस्था ओपन आर्म्सद्वारा सञ्चालित पहिलो जहाज आइपुगेको पुष्टि गरेको छ । उक्त क्षेत्रलाई सुरक्षित गर्न र सुरक्षा निरीक्षण गर्न सैनिकहरू तैनाथ गरिएको सेनाले बताएको छ । सन् २००७ देखि हमासद्वारा शासित समुद्री मार्गबाट मानवीय सहायता वितरण गर्न लागिएको हो । यसले गाजाको वर्षौं लामो समुद्री नाकाबन्दीलाई उल्लंघन नगर्ने सेनाले बताएको छ । संस्थाले सहायता पुर्‍याउन गाजा सहरको दक्षिणपश्चिममा अस्थायी पोर्ट निर्माण गर्नुपर्ने जनाएको छ ।

दक्षिणी इजरायलमा अक्टोबर ७ मा प्यालेस्टिनी लडाकु समूह हमासको अकल्पनीय आक्रमणमा परिणामस्वरूप लगभग एक हजार १ सय ६० जनाको मृत्यु भएको थियो । इजरायल आक्रमणको बदलामा इजरायली सेनाले गाजामा सुरु गरेको सैन्य कारबाहीमा ३१ हजारभन्दा बढी व्यक्तिको मृत्यु भइसकेको छ ।