नास्टमा अन्तरिक्ष प्रदर्शनी [तस्बिरहरू]

‘स्पेस कन २०२३’ नाम दिएर आयोजना गरिएको उक्त कार्यक्रम शिक्षा,विज्ञान तथा प्रविधि मन्त्री अशोकुमार राईले उद्घाटन गरेका थिए । कार्यक्रममा विज्ञान सचिव प्रमिलादेवी बज्रचार्य, नास्टका प्राज्ञ डा रमेशकुमार मास्के, नास्टका प्रविधि संकाय प्रमुख डा रविन्द्र ढकालले नेपालमा अन्तरिक्ष र प्रविधिको आवश्यकताको विषयमा चर्चा गरेका थिए ।

कार्यक्रममा नेपालमा अन्तरिक्ष कानुन र लेखनको विषयमा छुट्टै सत्र सञ्चालन गरिएको थियो । यस्तै, अन्तरिक्षमा नेपाली महिला शिर्षको सत्रमा नेपालमा भइरहेको गतिविधिको बारेमा चर्चा भएको थियो ।

नास्टको कार्यालय परिसरमा नेपाल अन्तरिक्षसँग सम्बन्धित प्रदर्शनीहरु राखिएको अन्तरिक्ष प्रतिष्ठान नेपालका इन्जिनियर विकल्प ढुंगानाले जानकारी दिए । प्रदर्शनी स्थलमा नेपाली स्याट–१को नमुना, विभिन्न प्रकारका पिको र क्युब स्याटेलाइट, विद्यार्थीहरुले बनाएको रकेट, टेलिस्कोपलगायतका प्रदर्शनीहरु गरिएको थियो ।