२२.१२°C काठमाडौं
आईपीएल २०२४ : हैदरावादसँगको हारमा चेन्नाइको खराब लय
हैदरावाद — लगातार दुई खेल जितेर राम्रो सुरुआत लिएको चेन्नाइ सुपर किंग्सले लय गुमाएर त्यसपछिका दुई खेल भने गुमाएको छ । डिफेन्डिङ च्याम्पियन चेन्नाइ शुक्रबारको खेलमा सनराइज हैदरावादसँग छ विकेटले पराजित रह्यो ।
जितका लागि १ सय ६६ रन पछ्याएको हैदरावादले चार विकेट गुमाएर १८.१ ओभरमै विजयी रन बटुलेको थियो । त्यसमा एडेन मार्केनले ३६ बलमा ५० रन बनाए । यस्तै ‘प्लेयर अफ द म्याच’ अभिषेक शर्माले १२ बलमा ३७ रन थपे ।
त्यस अगाडि ब्याटबाट चेन्नाइको प्रदर्शन राम्रो रहेन । उसले पाँच विकेटमा २० ओभरभित्र १ सय ६५ रन मात्रै बनाउन सक्यो र यो रक्षा गर्न लायक स्कोर सावित रहेन् । त्यसमा शिवम दुबेको ४५ रन नै सर्वाधिक ठूलो व्यक्तिगत स्कोर रह्यो ।
प्रकाशित : चैत्र २४, २०८० ०८:३५प्रतिक्रिया
