दिल्लीलाई हराउँदै राजस्थानको दोस्रो जित

पहिले ब्याटिङ गरेको राजस्थानले पाँच विकेटमा १ सय ८५ रन बनाएको थियो । उसले राम्रो सुरुआत भने लिन सकेन् र ९.३ ओभरसम्ममा ५० रन मात्रै बनाएको थियो । त्यसपछि परागले ४५ बलमा ८४ रन बनाए र नटआउट रहे ।

‘प्लेयर अफ द म्याच’ पनि रहेका परागले ७ चौका र ६ छक्का प्रहार गरे । जवाफमा दिल्लीले पाँच विकेटमा १ सय ७३ रन मात्रै बनाउन सक्यो । डेविड वार्नरले त्यसमा ४९ रनको योगदान गरे । दिल्लीको यो लगातार दोस्रो हार हो ।