राष्ट्रिय रग्बी सेभेन्स शनिबारदेखि
काठमाडौँ — प्रदेश खेलकुद विकास परिषद् वाग्मती प्रदेशको आयोजना तथा नेपाल रग्बी संघको व्यवस्थापनमा वाग्मती राष्ट्रिय रग्बी सेभेन्स प्रतियोगिता शनिबार सुरु हुने भएको छ ।
प्रतियोगितामा पुरुष/महिलातर्फ ७–७ टिमको सहभागिता रहने नेपाल रग्बी संघका महासचिव गोविन्द घिमिरेले जानकारी गराए । सात प्रदेशसहित विभागीय टोली आर्मी, पुलिस र एपीएफ टिमको सहभागिता रहने छ ।
प्रतियोगिता कतारमा हुने एसिया रग्बी सेभेन्स तथा चीनमा हुने एसियाली खेलकुदका लागि छनोटका रूपमा समेत रहेको नेपाल रग्बी संघका प्रबन्ध निर्देशक विजय खड्काले बताए । दुईदिने प्रतियोगिताका खेल भक्तपुरको सानो थिमिस्थित खेल मैदानमा हुनेछ ।
प्रकाशित : जेष्ठ २०, २०८० ०६:०७प्रतिक्रिया