अष्ट्रेलियालाई भारतको बलियो जवाफ
अहमदावाद — शुभमन गिलको उत्कृट शतक तथा विराट कोहलीको नटआउट ५९ रनको मद्दतले भारतले अस्ट्रेलियाविरुद्धको चौथो तथा अन्तिम टेस्टको तेस्रो दिन शनिबार बलियो जवाफ फर्काएको छ ।
दिनको खेल समाप्त हुँदा भारतले तीन विकेट गुमाएर २ सय ८९ रन बनाएको छ । भारत अझै १ सय ९१ रनले पछाडि रहेको छ । अस्ट्रेलियाले त्यस अगाडि ४ सय ८० रनको स्कोर खडा गरेको थियो ।
टेस्ट क्रिकेटमा आफ्नो दोस्रो शतक बनाउने क्रममा गिलले १ सय २८ रन बनाए । उनले दोस्रो विकेटका लागि चेतेश्वर पुजारासँग १ सय १३ रनको ठोस साझेदारी गरे । पुजाराले ४२ रन बनाए ।
प्रकाशित : फाल्गुन २७, २०७९ २०:१४प्रतिक्रिया