दार्चुलाको लाली क्याम्पसमा अनेरास्ववियुको संयुक्त टीम विजयी

चैत्र ५, २०७९कान्तिपुर संवाददाता

काठमाडौँ — कृष्ण स्नातक क्याम्पस लालीमा अनेरास्ववियु र अनेरास्ववियु क्रान्तिकारीका संयुक्त उम्मेदवार हेमन्ती जोशी स्ववियु सभापतिमा विजयी भएकी छन् । उनी नेपाल विद्यार्थी संघका विनोद टमटालाई पराजित गर्दै सभापतिमा निर्वाचित भएकी हुन् ।

स्ववियु निर्वाचन समितिका अनुसार कुल खसेको ६९ मतमध्ये ३६ मत प्राप्त गरेका थिए । उनका प्रतिस्पर्धी नेविसंघका विनोद टमटाले ३२ मत प्राप्त गरेका थिए । लाली क्याम्पसको सचिवमा गठबन्धनका जानकी जोशी, कोषाध्यक्षमा गठबन्धनकै ओमकार पाल विजयी भएका छन् ।