कुखुरा र बाख्रा फार्ममा आगलागी
बर्दिया — बुधबार बिहान करिब साढे दुई बजे बर्दियाको गुलरिया नगरपालिका–२ संगमबस्तीमा रहेको कुखुरा र बाख्रा फार्ममा आगलागी भएको छ ।
वीरमान भण्डारीको खोरमा आगलागी हुँदा करिब १२ लाख रुपैयाँबराबरको क्षति भएको जिल्ला प्रहरी कार्यालय,बर्दियाका सूचना अधिकारी डीएसपी तुलसीराम अर्यालले बताए । आगलागीका कारण खुल्न सकेको छैन । स्थानीयवासी,प्रहरी र दमकलको सहयोगमा बिहान ५ बजे आगो निभाइएको डीएसपी अर्यालले बताए ।
प्रतिक्रिया