बाँकेमा होटलबाट नक्कली पैसा छाप्ने मेसिन बरामद

कोठामा खोजतलासी गर्दा ५० रुपैयाँका केही थान नक्कली नोट र पैसा छाप्ने प्रिन्टर बरामद गरेको छ ।

होटलमा पुस २९ गतेदेखि बसेका एक व्यक्तिले होटलमा बसेर नक्कली नोट छपाई गरेको पाइएको हो । ३० गतेसम्म होटलमा आउने र जाने गरेका ती व्यक्ति दुई दिनसम्म नदेखिएपछि होटल सञ्चालकले प्रहरीलाई खबर गरेका थिए । प्रहरीले होटलमा बसेका व्यक्तिलाई भने पक्राउ गरेको छैन । प्रहरीले ती व्यक्तिलाई खोजिरहेको जनाएको छ । एसपी राठौरले घटनाबारे थप अनुसन्धान भइरहेको पनि बताए ।